الكاتب: مها الفارس

أسهل وأسرع طريقة لعمل السوفليه وبنفس الوقت لذييييييييييييييذة اتعب وانا اقول لذيذة طبعا الكمية تكفي 4 اشخاص وللزياده تضاعف المقادير .

نحتاج :

• 12 حبة اوريو ( 3 باكت )

• 1 ظرف دريم ويب

• علبة قشطة

• ربع كوب حليب

أول شي نحط الاوريو بالخلاط لوحده .. ثم نضيف باقي المقادير معه بالتخليط الثاني .. و بالكاسات ع الفرن من فوق 5-10 دقايق على حسب متى تتماسك الطبقة الي فوق .. وبعدها نطلعها برا شوي لحتى تبرد .. و بالعافية

* نقدر نزينه ب فراولة ورشة سكر مطحون

طريقة سهله جدا لعمل كوكيز لذيذ , نحتاج :

• 2 كوب طحين
• 1 كوب نوتيلا ( او علبة كاملة حجم 350 جرام )
• 1/2 كوب سكر
• 2 بيضة
• حبيبات هيرشي ( انا ما حصلته واستخدمت m&m’s )
• شوكلا جلكسي للحشو او التزيين

نخلط كل المقادير سوا الا الجلكسي وحبيبات الهيرشي ..وبعد ما تمتزج نضيف حبيبات الهيرشي تدريجيا .. نكورها ونحط جواها شوكلا جلكسي وممكن نحشيها نوتيلا بدل الجلكسي .. انا هنا سويت نوعين بعضها محشي وبعضها زينتها بالجلكسي من فوق .. ثم نحطها  بصنية ممسوحه بشوي زبدة او زيت.. و بالفرن على درجة حرارة 150-180 مدة 10-15 دقيقة

وبالعافية