كلَامْ, شذَرآت يوميّة

عام مضى و عام قادم / تعلمت , !

سبحان الله الأيام بسرعة تجري وراح عام 2015 بلمح البصر على الرغم من كل الضغوطات الي فيه لكن من سرعته احس كل شي حصل أمس !

كان في بدايته إنجازات جميلة وفي منتصفه قرارات كنت راح أمشي عليها كـ مصير لمّا أنهي الدراسة , لكن مع بداية ال 2016 تغير كل شي !
في بدايته كنت مشغله نفسي بالمجلس الطلابي و أنشطته وحضور الدورات بهدف التطوير و و و و , طبعا ما أنكر أستفدت و أنجزت الشي الكثير على المستوى الشخصي , لكن بالمقابل كان تركيزي ع الدراسة مش أكثر من الأنشطة 🙂 وجات النتيجة الي أستاهلها 352214
على المستوى الي بعده قلت لازم ارفع النسبه و أعوض النزول الي صار في الأول .. فكان القرار الأتي : ألغي كل أنشطتي ومشاركاتي و أخلي كامل تركيزي ع الدراسة , الدراسة فقط .. و نتج عن هالشي وقت فراغ كبيييير كبيير لدرجة اني أحترت إيش اسوي فيه ! من غير أن الوقت المخصص للقرأة زاد الصديق القريب الي صرت أتوجه له هو المطبخ وبالأخص عمل الحلويات kawaii-080

المهم طبقت القرار فعلا .. لا للأنشطة لا للمشاركات لا و لا و لا و لا ! لكن هل أستمريت ؟
: نعم إلا أثنين 352195
– النشاط الأول كان يوم للأطباق الشعبية والي تشارك تعطيها درجة اسايمنت كامل في أحد المواد < من طرق الجذب للمشاركة351354 .. وسويت الصباح اسرع خلطة خميعه بمقاديري الخاصة  kawaii-079 .
– النشاط الثاني : مشاركة بسيطه في حفل أطفال الصم وما ندمت صراحه كان من الضيوف بنات من الصم و قريب من أعمارنا سبحان الله الواحد لما يجلس معهم يستشعر نعمة الله ونعمة السمع العظيمة ..

تعرفت عليهم مره طيوبات و حبوبات وما زلت على تواصل مع بعضهن حتى الأن .. ايضا عرفت كيف اقول أسمي بلغة الإشارة وبعض الحكي الخفيف 352255 ..
أعطي نفسي على تقيدي بالقرار 9 على 10 ..352214 رغم اني تمنيت كثير اشارك بالانشطة الثانية .

كان وقت البريك عندنا كبير خصوصا يوم الأحد فـ استغليناه بالقراءة وكان شي ايجابي .. ايضا بنفس البريكات كنت اجيب من الحلى الي اسويه بالدس 55555555 .. وقت البريك هذا احس قربني من صديقاتي أكثر تعمقت علاقتي معهم وهالشي حبيته مره 1344297813361  وكمان اعجبتني فكرة الزاجل وحبيت أطبق اول زاجل لمنور السنيد مع الشوكلت kawaii-098 كانت محتويات البوكس : شوكلا – كوب قهوة – كتاب – ساعة – ورسالة تضمنت هالعبارة : “تحلو الشوكلا مع قهوة و كتاب .. ووقت تقدر قيمته ” a7d448e034590af5e9b45d9f8f2ed36d < يمكن تعجبكم الفكرة وتطبقونها ^_^

Maha_ 030

اما الدراسة والمحاضرات و الأختبارات فهي كالعادة نظام روتيني لكن قبل النهاية ع الاسابيع الأخيرة كان كرف بما تعنيه الكلمة ضغطونا بالمشاريع و العروض مع اختبارات الميد 2 !
يعني عادي يجيك يوم و فيه 2 كويز وواحد ميد مع عرض للبروجيكت 352191 واذا قلنا لـ الدكتوره الفلانية ما نقدر انتي حددتي متأخر وعندنا في هذا اليوم ضغط تقول مش مشكلتي هذي موادكم وتحملوا ولا الثانية تقول لا تناقشوني ! ولا ولا ولا ولا  !!!!!!! يتأخرو و تطيح على روسنا .. المهم عاد المشكلة مو هنا ..  المشكلة الي قالت مش مشكلتي هذي موادكم وتحملوا بعد ما عرضنا لها المشروع اخذت دور الناصحه وتعلمنا بالمميزات و العيوب الي فينا والي هي شافتها و سألت الدكاتره عنها ( هذا شي كويس و أفادنا ) على ان وقت كلامها اكثر من وقت عرضنا المهم من خلال كلامها قالت انهم ي الدكاتره مرنات بالتعامل مع الضغط الي يمرون فيه البنات وانو اذا صار عندك ضغط بيعطونك وقت ثاني بس نقول لهم ! هاه مين الي رفضت وضغطتنا 352205 بروفسوره وهذي سواتها .. المهم ما علينا منها من الاشياء الي كسبتها دراسيا عمل العروض ببرنامج برايزي الجميل , مش بالبور بوينت ..
و البرنامج خيال خيال خيال .. نتيجته جدا مبهره وجماليا اشوفه اجمل من البور بوينت بمية مليون مره 16 وأبهر كل من شافه 1344297813361

والإنجاز الأكبر والأجمل diw03diw03diw03diw03diw03 ( بروجيكت التسويق ) diw03diw03diw03diw03diw03
وهذا سالفته سالفه .. السمستر الي راح كان بيني وبين الاستاذة تتش عشان بروجيكت .. بوقتها كنا مجموعة بنات في بروجيكت واحد ما أعجبها أدائي في العرض ووقفتني وقالت انتي ما اشتغلتي معهم جايه بس تاخذين مجهود صديقاتك و و و و قلت لها لا ودافعت عن نفسي لكن ما اقتنعت , اختمت كلامها انو كملي و أذا كان باقي العرض على نفس المستوى راح تنقص درجات القروب بسببي ( تقيّم على اداء المجموعة مو ع الاداء الفردي )  ! لحظتها رفضت 352240 وقلت خليه يوم ثاني .. طال كلامها و طال رفضي وبالنهاية قالت خلاص بكرا اعرضوا

من بكرا استعدينا أكثر و عرضنا من جديد وقالت اوك !
: طيب كم درجتنا ؟
: مو اقل من 13 من 15 .

الي صار ان المستوى هذا درستنا وعطتنا بروجيكت ولما كانت تشرحه قالت مها اتذكر قروبك في البروجيكت الي راح اخذ اقل درجة من بين الدرجات تحت الـ 10!!!!
طبعا سكتت وانا اتذكر كلامها اول مو اقل من 13 ! الكذاب ينسى كذبته و صاحب الموقف لا “حبل الكذب قصير” .
فقررت من وقتها اني اسوي هذ البروجيكت لوحدي من إلى .. اتخذته كتحدي إثبات رغم صعوبته  .. وفعلا بديت فيه وحدي وكل فترة أنجز فيه شي إلى قبل يوم العرض بيوم .. كنت مخصصته لتثبيت بعض النماذج على سيديات و أوزعها ع الموجودات والي صار بعد ما طبعت على غلاف السيدي ستيكر بالتصميم الي ابيه رفض ينسخ معي البيانات كل ما قرب ينتهي يصير فيه فقد للبيانات عقدني فتخليت عن فكرة السي دي بلاش يضيع الوقت خصوصا ان باقي لي شي بسيط على نهاية التقرير رجعت أكتب الريبورت وخلصت الي باقي منه قريب الفجر ( كان عندي برضو اختبار وما ذاكرت images (1)) المهم كان يوم عرض المشروع هذا اطول يوم في التاريخ 351385من 8 – 9 اختبار ميد .. ومن 9-9:30 كويز  .. ومن 10-11 عرض بروجيكت بس كنت فيه مع قروب … ومن 11-1 كان وقت عرض بروجيكت التسويق والي انا إلى لحظتها ما سويت البرزنتيشن وعلى اعصابي 352208 فقلت للبنات خلو دوري في العرض أخر شي على ما اسوي البور بوينت جلست في القاعة وجلست الاستاذة وراي و يمديها تشوف الي اسوي 352213 قربت اخلص من تضبيط العرض و القروب الي كان يعرض والي انا بعده على وشك النهاية توترت وحاولت امسك نفسي عشان أقدر اخلصه بسرعة وما اضيع نفسي بأفكار سلبية .. لكن وش الي صار ! طفى لاب توبي و صار تحديثات 12793983663 يَ قلبيييه ويا ربآآآهـ مو وقته ابد والمشكلة ما حفظت شغلي 173011images تقفل كل شي بوجهي قلت خسارة التعب اذا ما وافقت الاستاذة تعطيني وقت وكانت بجنبي منور الجميلة وكلامها مثل البلسم 13442978133611344297813361 ومنه انها ذكرتني ان البرنامج يحفظ نسخة احتياطية تعلقت بهالأممل وانا ادعي وانتظر اللاب يرجع يشتغل .. بهاللحظات صارت عند القروب الي يعرض خطأ في الميزانية وصارت تدقق عليهم الاستاذة وطال الكلام معهم ” مصائب قومٍ عند قوم فوائد ” جات هالعبارة في بالي وقتها 352205 .. المهم اشتغل اللاب وهم باقي يحوسون بالميزانية .. بلحظتها ما عاد فيني اعصاب ماسكه نفسي وبقوة بعد عشان ما يخرب كل شي في النهاية .. على طول فتحت البرنامج و الحمدلله محفوظة نسخة مؤقته .. سويت حفظ للشغل و كملت عليه وأنهيته .. على ما سويت حفظ للشغل النهائي القروب خلص وقالت الاستاذة مها مستعدة تعرضين الحين .. قلت يس .. اعطيتها تقرير المشروع ويدي ترجف 352233
وقلت لها ” i wish to get full mark..15 out of 15 ” اتمنى اني اخذ الدرجة الكاملة 15 من 15 ..
وشبكت اللاب في السبورة وهديت من نفسي ثم بديت اعرض .. اثناء العرض قالت لي خلاص وقفي وصارت تقرا هي من العرض بعدين قالت غيري الي بعده وتخليني اقرا اول سطرين ثم توقفني وتقول روحي للي بعده .. حركتها هذي وترتني لكني ما بينت عشان ما تحسبها علي .. خلتني اتجاوز شرايح كثير من العرض وبعضها هي تقراه استمرت الحركة للنهاية .. ودققت لي ع الميزانية مع اني ضابطتها ( هي ما شرحت طريقة القانون الي نستخدمه في الميزانية لكني استعنت في العم قوقل و اليوتيوب عشان افهمها يمكن عشان كذا كانت تدقق ما ادري ) المهم بعد ما خلصت من الميزانية .. صارت تسألني بكل الشرائح الي خلتني اتخطاها !! وتسألني عن اشياء في عمق المشروع كيف هذا جاء وكيف هذا صار وليه اخترتي هذا بالذات و و و و .. بس الحمدلله كل سؤال منها عندي جواب له .. ولو مشروعي وفاهمته 621504 .. وبالنهاية عرضت لها نماذج سويتها من ضمن المشروع و أعجبتها الحمدلله .. لما ختمت وباين ان كل شي اعجبها قلت كم اخذت 352255 قالت 15 من 15 .. يآآآآآ فرحتي قسم بالله كان ودي أطير من الفرحة  PIC-299-1368173493 قالت برضو أن أفضل عرض شافته هو عرضي و أعلى درجة أخذتها بالرغم اني مو مع قروب1782035821 .. و الحمدلله على هذي النتيجة .. أشوفه أجمل إنجاز لي بالرغم من التعب الكبير الي كان فيه لـ أخر لحظة .. الحمدلله الحمدلله الحمدلله .. كنت مجهزه لها هذا الكلام على اساس بقوله لكنه تبخر مع الموقف ” لا أحد يرضى ان يتم نفي واستقصاء جهوده في مشروع ما , ولكن أشكرك على تلك اللحظة .. فلقد كانت تلك الشرارة نار أوقدت هذا المشروع ليتم تطبيقه وبشكل متكامل ” .

بعد كل هالاشياء طلعت النتيجة .. صح كانت أقل من الي أطمح له واتوقعه بعد كل هالتعب لكن فيه أرتفاع عن المستوى الي قبل الحمدلله .. وهذا ما يعني اني ماراجع نفسي و أبحث عن الخلل وين .. كنت محتاره في البداية و أقول مافي خلل .. لكن بطبيعة الحال بعد ما بحثت و سألت .. أكتشفت الخلل وين بل الخطأ الي كنت أسويه مرارا وتكرار ..انحصر السبب في مخيلتي بعد ما قرأت هذه الكلمات وخصوصا انها كانت في موضع تحصيل دراسي

 ” إذا قمت بعمل نفس الشيء بنفس الطريقة فستحصل على نفس النتيجة , وإن أردت تغيير النتيجة فما عليك سوى تغيير ما تفعله ” دروب مختلفة-د.خالد الراجحي ..

حسنا اذا كان هذا هو السبب ..الطريقة .. طريقة مذاكرتي خطا .. كل الي لازم أسويه اني أمشي على طريقة أفضل من الي كنت أسويها ( ويبيلي أبحث عن طريقة كويسة ) .. إذا وداعا ل قرار الـ لا لكل شي إلا الدراسة .. وأهلا بـ إعطاء كل شي حقه مع مراعاة ان الدراسة في المرتبة الأولى ! ( الطقه الي ما تقتلك : تقويك ) ..

وأخيرا بعض الي تعلمته ورأيت اثره علي بعد مضي عام كامل :
– فوق كل الضروف : توفيق الله .. ” ربي أكتب لي الي فيه خير “
– الإنجازات الجميلة لا تأتي إلا بعد أجتهاد كبير
– كل الطرق تؤدي لنفس الهدف بالنهاية لكن أيهم أسرع !
– اترك لك أثر جميل في نفوس الأخرين .
– لا تتردد في مساعدة ودعم أي شخص
– لا تضيع وقتك و تركيزك على هدف زمني
– قابل كل شخص تراه ب إبتسامة
– لا تتردد من إبدا اعتراضك في شي ليس في مصلحة الجميع
– لن يعرفك احد غيرك
– الاصدقاء نعمة لذا تغاضى عن بعض الهفوات
– لا تضيع وقتك بالتفكير والتخطيط لما سوف تفعله .. بل أفعله مباشرة
– طور من نفسك للأفضل .. لا تبقى انت الشخص نفسه قبل 3 أشهر
– لا تكثر من التبرير لمن لن ينصت لك
– لا تكذب .. الصمت خير , ومن ذهب !
– أظهر ثقتك مهما كانت مشاعرك الداخلية
– قدّر كل شخص له بصمة جميلة في حياتك
– تهادو تحابوا .. للهدايا أثر طيب على النفس لا يزول
– من ينقل لك كلاما عن احد اخر ابتعد عنه !
– راجع قبل التأكيد
– بعض القروبات ارائها متشتته ومتردده  .. أحزم رأيك ونفذه .

هذا الي جاء في بالي الحين وأتمنى انكم استمتعتوا بالقراءة و استفدتوا لو قليل .. و أن شاء الله يكون 2016 جميل و خفيف و مليء بالإنجازات  ..

 

* على فكره : أشتقت لـ التدوين الطويل diw03

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s